Վասկո դա Գամայի կամուրջ (պորտ.՝ Ponte Vasco da Gama), կայմապարաներային կամուրջ, որը գտնվում է Պորտուգալիայի հյուսիս-արևելքում՝ Պիրենեյան թերակղզու ամենաերկար գետի՝ Տախոյի վրա։ Այն Եվրոպայի ամենաերկար կամուրջն է, որն ունի 17,2 կմ երկարություն։ Կամրջի նպատակն է նվազեցնել երթևեկության լարվածությունը Պորտուգալիայի մայրաքաղաքում։
Կամրջի վրա երթևեկությունը սկսվել է 1998 թվականի մարտի 29-ին։ Այդ տարում լրացել էր պորտուգալացի ճանապարհորդ Վասկո դա Գամայի կողմից Եվրոպայից Հնդկաստան տանող ծովային ուղու հայտնագործումը։
Վասկո դա Գամայի կամրջի շինարարական աշխատանքների նախագիծը բաժանված է եղել չորս մասի, որոնցից յուրաքանչյուրը կառուցվել է տարբեր ընկերությունների կողմից։ Կամրջի շինարարական աշխատանքները կատարվել են 3300 աշխատողների կողմից։ Շինարարական աշխատանքները տևել են 18 ամիս․ նույնքան էլ տևել է նախապատրաստական աշխատանքները։