Վիկտորիա (անգլ.՝ Lake Victoria, Victoria Nyanza, սուահիլի՝ Ziwa Victoria, Viktoria Nyanza, Ziwa Nyanza), լիճ Արևելյան Աֆրիկայում, Տանզանիայի, Քենիայի և Ուգանդայի սահմանին։ Տեղակայված է Արևելա-Աֆրիկյան պլատֆորմի տեկտոնական խզվածքում՝ 1136 մ. բարձրության վրա։ Ի տարբերություն Տանգանիկա և Նյասա լճերի, որոնք գտնվում են Աֆրիկյան կիրճերի համակարգում, Վիկտորիան գտնվում է Աֆրիկյան պլատֆորմի բյուրեղային հիմքի թեք ճկվածքում։ Իր մակերեսով Վիկտորիան աշխարհի երկրորդ ամենամեծ քաղցրահամ և ամենամեծ արևադարձային լիճն է։ Լիճը դասվում է բավականին խորը լճերի շարքին։ Լիճը հայտնաբերել և անվանել է թագուհի Վիկտորիայի պատվին բրիտանացի ճանապարհորդ Ջոհն Սպիկը 1858 թ-ին։
Յուրաքանչյուր տարի ստանում է 114 կմ.³ ջուր, որի մեծ մասը բաժին է ընկնում տեղումներին, իսկ գետերին բաժին է ընկնում 16 կմ.³ ջուր։ Գոլորշանում է ամբողջի 93 կմ.³:
Լճում շատ են կոկորդիլոսները։ Լիճը նավարկելի է և տեղի բնակիչները նրանում զբաղվում են ձկնորսությամբ։
Լճի տարածքում գտնվում են հայտնի արգելոցներ և ազգային պարկեր։ Ամենից հետաքրքիրը Ռուբոնդո կղզի ազգային պարկն է՝1450 կմ.²: Այս ազգային պարկի յուրահատկությունը կայանում է նրանում, որ այստեղ չի թույլատրվում ներխուժել ավտոմեքենայով՝ շրջակա միջավայիրի պահպանման նպատակով։ Եվ դա թույլ է տալիս, ոտքով զբոսնելիս, շատ ավելիմոտիկից տեսնել կենդանիներին։ Կենդանական և բուսական աշխարհը բավականին հարուստ է, որոնցից մի քանիսը յուրօրինակ են։
Օրինակ՝ սիտատունգան, որը հանդիպում է միայն Տանզանիայում, հիմնականում Ռուբոնդո կղզում։
