Զամբեզի, գետ հարավային Աֆրիկայում։ Սկիզբ է առնում Զամբիայից, հոսում Անգոլայի, կրկին Զամբիայի, ապա Մոզամբիկի միջով ու թափվում է Հնդկական օվկիանոսի Մոզամբիկի նեղուցը՝ առաջացնելով դելտա։ Երկարությունը 2660 կմ է։ Զամբեզիի վրա է Վիկտորիա ջրվեժը։
Սահման է Զամբիայի և Նամիբիայի, ինչպես նաև Զամբիայի և Զիմբաբվեի միջր։
Անվանումը տեղացիների լեզվով նշանակում է «մեծ գետ»։ Եվրոպացիներից նրա գետաբերանն առաջինը տեսել է Վասկո դա Գաման՝ Հնդկաստան ուղևորվելու ճանապարհին, և անվանել Rio los Bons Sinales «Բարենպաստ նախանշանների գետ», քանի որ երկար նավարկությունից հետո, այստեղ առաջին անգամ նկատեց այնպիսի նշաններ, որոնք հաստատում էին, որ ինքը գտնվում է Ասիա տանող ճիշտ ուղղու վրա։