Մակեդոնիայի ժամանակակից արվեստի թանգարան (մակեդ.՝ Музеј на современата уметност (Скопје)), Մակեդոնիայի ամենամեծ և առավել ամբողջական ազգային հաստատություններից մեկն է: Գտնվում է մայրաքաղաք Սկոպյեում: Հիմնադրվել է 1963 թվականին ավերիչ երկրաշարժից հետո: Թանգարանային կառույցի շենքը հատկացրել է լեհական կառավարությունը:
Հավաքածուն կազմված է երկու մասից՝ միջազգային և ազգային: Միջազգային հավաքածուն արտացոլում է աշխարհի գրեթե բոլոր մասերի ժամանակակից արվեստը: Հավաքածուի մեծ մասն արտացոլում է 1950, 1960 և 1970-ականների արվեստի շարժումները, չնայած այն պարունակում է նաև վաղ ժամանակակից արվեստի շուրջ հարյուր աշխատանքներ: Հին նմուշներում ներկայացված են Էմիլ Ֆիլայի, Ֆերնան Լեժերի, Անդրե Մասոնի աշխատանքները: Աշխարհահռչակ արվեստագետներից ներկայացված են Պաբլո Պիկասոն, Հանս Հարտունգը, Վիկտոր Վազարելի, Ալեքսանդր Կոդլեր, Պիեռ Սուլաժ, Ալբերտո Բուռի, Ռոբերտ Յակոբսեն, Էթենն Այդու, Զոլտան Կեմենի, Ռոբերտ Ադամս, Էմիլիո Վեդովա, Անտոն Կլավե, Գեորգ Բազելից:
Ավելի քան հինգ հազար քառակուսի մետր տարածք զբաղեցնող կառույցը բաղկացած է երեք փոխկապակցված մասնաշենքերից՝ կառուցված ուշ մոդեռնիզմի ոճով: Նախագիծն իրականացվել է լեհական «Վագրեր» ճարտարապետների խմբի կողմից: Մշտական և ժամանակավոր ցուցասրահներին կից գործում են 120 տեղանոց կինոթատրոն, գրադարան, արխիվ, խանութ, պահետստատուն, վարչական գրասենյակներ, ինչպես նաև թանգարանային խանութ և խորտկարան:
|
էջը ում |
