Վան Գոգի թանգարան, (հոլ.՝ Van Gogh Museum), Նիդերլանդերեն արտասանություն` [vɑŋ ˌɣɔx myˈzeːjʏm]) արվեստի թանգարան Նիդերլանդների Ամստերդամ քաղաքում՝ նվիրված Վինսենթ Վան Գոգի և նրա ժամանակակիցների գործունեությանը։ Գտնվում է Ամստերդամի թանգարանային հրապարակում։
Թանգարանը բացվել է 1973 թվականի հունիսի 3-ին։ Թանգարանային շենքերը նախագծել են Գերիթ Ռիետվելդը և Կիշո Կուրոկավան։ Թանգարանում է գտնվում Վան Գոգի կտավների ամենամեծ հավաքածուն։ 2013 թվականին թանգարանն ունեցել է 1.4 միլիոն այցելու, և համարվել է Նիդերլանդներում 2-րդ ամենաշատ այցելու ունեցող թանգարանը և 35 ամենաշատ այցելվող թանգարանն աշխարհում։ 2014 թվականին թանգարանն ունեցել է 1.6 միլիոն այցելու։
Թանգարանն ունի Վան Գոգի ամենամեծ հավաքածուն աշխարհում՝ 200 գեղանկար, 400 նկարներ, Վինսենթ Վան Գոգի 700 նամակներ։
Վան Գոգի գեղարվեստական կյանքի տարբեր փուլերի հիմնական ցուցահանդեսային ժամանակագրություն
Ընտրյալ գործերի Նյունենից (1880–1885)։
Ընտրյալ գործեր Անտվերպից (1886)։
Ընտրյալ գործեր Փարիզից (1886–1888)։
Ընտրյալ գործերի Առլից(1888–1889)։
Ընտրյալ գործեր Սեն Ռեմիից (1889–1890)։
Ընտրյալ գործեր Օվեր Սյուր Ուազից (1890)։
Մշտական հավաքածուի մաս են կազմում նկարչի 9 ինքնադիմանկարներ և 1882 թվականին արված մի քանի ստեղծագործություններ։
2000 թվականից ի վեր թանգարանը յուրաքանչյուր տարի ունեցել է 1.2 և 1.7 միլիոն այցելու ։ 2012 թվականի սեպտեմբերի 29-ից մինչև 2013 թվականի ապրիլի 25-ը Վան Գոգ թանգարանը վերակառուցման աշխատանքների պատճառով տեղակայվել է Hermitage Amsterdam-ում։
2010 թվականին թանգարանն ունեցել է 1 429 854 այցելու, 2011 թվականին՝ 1 600 300 այցելու։ Վան Գոգի թանգարանը դասվում է Նիդերլանդների ամենաբարձր հաճախելիություն ունեցող թանգարանների շարքում, հաճախելիության թվով աշխարհում 23-րդ թանգարանն է։
| Տարի | Այցելուներ | Տարի | Այցելուներ | |
|---|---|---|---|---|
| 2000 | 1,312,204 | 2007 | 1,559,783 | |
| 2001 | 1,276,309 | 2008 | 1,474,816 | |
| 2002 | 1,592,771 | 2009 | 1,451,139 | |
| 2003 | 1,341,586 | 2010 | 1,429,854 | |
| 2004 | 1,338,105 | 2011 | 1,600,298 | |
| 2005 | 1,417,096 | 2012 | 1,438,000 | |
| 2006 | 1,677,268 | 2013 | 1,448,997 |
Վան Գոգի թանգարանը՝ լինելով ազգային թանգարան(հոլ.՝ rijksmuseum),, հանդիսանում է մասնավոր հիմնադրամ (հոլ.՝ stichting)։
2006 թվականից թանգարանը տնօրինում է Ալեքս Ռուգերը։
Վան Գոգ թանգարանը հանդիսանում է Museumvereniging (Թանգարանների միություն) անդամ։
